Beıbit Atamqulov áýe baǵdarlaryn sýbsıdııalaýǵa qatysty túsinik berdi

NUR-SULTAN. QazAqparat – Indýstrııa jáne ınfraqurylymdyq damý mınıstri Beıbit Atamqulov áýe baǵdarlardy sýbsıdııalaýǵa qatysty túsinik berdi, dep habarlaıdy QazAqparat tilshisi.

«2020 jylǵa shyǵystar biraz ósip jatyr, 5 mlrd 900 mıllıon teńgege deıin. 2018 jyly bul baǵdarlama bastalǵanda 2 mlrd 100 mln teńge bólingen, ıaǵnı bul qarjy 14 ishki áýe baǵyttaryna arnaldy», - dedi B. Atamqulov Májilistiń jalpy otyrysynda.

Belgili bolǵandaı, búginde 14 ishki áýe baǵdary, sondaı-aq «Nur-Sultan – Tokıo» baǵytyndaǵy halyqaralyq baǵdary sýbsıdııalanýda.

Mınıstrdiń sózine qaraǵanda, 2019 jyly janar-jaǵarmaı baǵasynyń ósýimen 2,7 mlrd teńge kóleminde boldy. 2019 jyldyń ortasynda «Nur-Cultan-Tokıo» boıynsha taǵy bir áýe baǵdary qosyldy (sýbsıdııalaýǵa). «Osy baǵdarǵa jarty jylǵa sýbsıdııa 1 mlrd 500 mln teńge kóleminde qarastyryldy. Kelesi jyly tolyq shyǵys 2 mlrd 900 mln teńge bolyp tur. Osy oraıda naqty nátıje kórýimiz kerek. Búgingi kúni el turǵyndaryna áýe bıletteri boıynsha jeńildikter berip otyrmyz. Kelesi jyly bes áýe baǵyty ózin-ózi aqtaý deńgeıine shyǵady, ıaǵnı 80 paıyz shamasynda bolady. 2020 jyldyń nátıjesimen biz sýbsıdııany azaıta bastaımyz. 2021 jylǵy bıýdjettik josparda sýbsıdııaǵa shyǵaratyn qarjyny eki mıllıardqa deıin tómendetýdi kózdep otyrmyz», - dedi mınıstr.