Beıbit Atamqulov Aqmol aýylyndaǵy mektepke kitaptar syılady

AQMOL. QazAqparat – Búgin Syrtqy ister mınıstri Beıbit Atamqulov Aqmola oblysynyń Aqmol aýylyndaǵy №5 orta mektepke baryp, 1 qyrkúıek kúnine arnalǵan saltanatty jıynǵa qatysty. Bul týraly vedomstvodan málim etti, dep habarlaıdy QazAqparat.

SІM basshysy birinshi jáne joǵary synyp oqýshylaryn, muǵalimder men ata-analardy jańa oqý jylynyń bastalýymen quttyqtady. Mınıstr óz sózinde qazaqstandyq patrıotızmge, Otanǵa degen súıispenshilikke jáne jańa bilimge umtylýdyń mańyzdylyǵyna nazar aýdardy. Oqýshylarǵa oqý jylynyń jaqsy jáne jemisti bolýyn, muǵalimderge shyǵarmashylyq tabys tiledi.

Sonymen qatar, Qazaqstannyń Syrtqy ister mınıstrligi atynan mektep kitaphanasyna kitaptar jıyntyǵy tapsyryldy. Olardyń arasynda Elbasy Nursultan Nazarbaev týraly «Bitimger. Sırııa túıini», ataqty qazaq dıplomattary Názir Tórequlov, Mıhaıl Esenalıev jáne taǵy basqalar jaıly kitaptar bar.