«Beıbarys kesenesi bitpeı qalýy múmkin» - respýblıkalyq basylymdarǵa sholý
***
«Keshe Astanada Memleket basshysynyń tapsyrmasy boıynsha Prezıdent Ákimshiliginiń Basshysy Aslan Mýsınniń tóraǵalyǵymen Prezıdenttiń «Qazaqstan Respýblıkasy quqyq qorǵaý organdarynyń qyzmetkerlerin kezekten tys attestattaýdan ótkizý týraly» Jarlyǵyn iske asyrý máseleleri jóninde keńes ótti», - dep jazady «Egemen Qazaqstan» gazeti. Basylymnyń atap ótýinshe, Prezıdenttiń Jarlyǵyna sáıkes, barlyq quqyq qorǵaý organdarynyń jeke quramynan 110 myńǵa jýyq adam attestattaýdan ótedi. Attestattaýdy ótkizý erejesine sáıkes, elimizde quramynda 500-den astam adam bolatyn 90-nan asa attestattaý komıssııalary qurylady. Kezekten tys attestattaý týraly barlyq jumystar úsh kezeń boıynsha júrgizilip, aǵymdaǵy jyldyń sońynda aıaqtalady. Maqala «Attestattaý óz dárejesinde ótýi tıis» degen taqyryppen berilgen.
«Egemen Qazaqstan» gazetiniń búgingi sanynda Qazaqstan Respýblıkasy Parlamenti Májilisiniń depýtaty, Qazaqstan halqy Assambleıasy Keńesiniń múshesi Rozaqul Halmuradovpen aradaǵy áńgime «Bir kún janjal bolǵan úıden qyryq kún bereke ketedi» degen taqyryppen berilgen. Basylym tilshisiniń barlyq saýaldaryna egjeı-tegjeıli jaýap bergen halyq qalaýlysy: «Bul suraǵyńyzǵa bylaı dep jaýap bermekpin: bizdiń atajurtymyz Ózbekstan emes, bizdiń atajurtymyz - osy Qazaqstan. Qazaqta «Ár azamat óziniń jeti atasyn bilýi paryz» degen sóz bar ǵoı. Men jeti atamdy taratatyn bolsam, ózimniń ákem - Satybaldy, onyń ákesi - Haly baba, onyń ákesi - Qoshqar baba, onyń ákesi - Madýsman baba, onyń ákesi - Ahmet ıÝsýp baba, onyń ákesi - Nurjan baba, onyń ákesi - Hasantaı baba. Meniń osy atalǵan jeti atamnyń barlyǵy Qazaqstanda týyp, Qazaqstanda óskender. Sondyqtan «Atajurtyń - Ózbekstan» degen bizge óte aýyr tıedi», - deıdi.
***
«Alash aınasy» gazetiniń jazýynsha, taıaýda elordada kileń áıelder bas qosyp, «qazaqstanda qyz urlaýdy qylmys dep taýyp, qatań jazaǵa tartý kerek» degen másele kóteripti. «Árıne eger elimizde qyzdar men erler sany teń bolsa, kári qyzdar máselesi joq bolsa, oń jaqta otyryp bala taýyp, ony tastap ketý máselesi degen bolmasa, bálkim, muny qoldaýǵa da bolar edi. Biraq...», - dep jazady basylym. Sonymen biraqtyń astarynda ne jatqanyn bilgińiz kelse, «Alyp qashsa - toılarmyz, qyzdarymyz otyryp qalmasyn dep oılańyz...» degen taqyryptaǵy maqalaǵa nazar salyńyz.
***
«Egıpettegi tóńkeristiń kesiriniń ıisi qazaqqa da tıipti. Qaırat Mámıdiń tóraǵalyǵymen ótken Senattyń keshegi jalpy tyrysynda bir top senator dabyl qaǵyp, úkimet basshysyna resmı suraýmen júgindi», - dep jazady «Aıqyn» gazeti juma kúngi sanyndaǵy «Beıbarys kesenesi bitpeı qalýy múmkin» degen taqyryptaǵy maqalasynda. Soltústik Afrıkadaǵy osy elde saıası dúrbeleń men qoǵamdyq tártipsizdikter oryn alǵany málim. Osyǵan oraı Joǵarǵy palata depýtattary osy el astanasyndaǵy Beıbarys kesenesiniń keıingi taǵdyryna alańdaýly.
***
«Keshe Prezıdent kómekshisi - Qaýipsizdik Keńesiniń hatshysy Marat Tájın Beıjińde ótken Shanhaı yntymaqtastyq uıymyna (ShYU) múshe memleketter Qaýipsizdik keńesteri hatshylarynyń jetinshi kezdesýine qatysty», - dep jazady «Kazahstanskaıa pravda» gazeti. Kezdesý aıasynda ShYU keńistiginde qaýipsizdik salasyndaǵy ahýal, terrorızmge, separatızm men ekstremızmge qarsy áreket etý, esirtkiniń zańsyz aınalymyna jáne transulttyq qylmystyń basqa da túrlerine qarsy kúres týraly pikirler almasý boldy. Ótkizilgen is-shara nátıjesi boıynsha, Shanhaı yntymaqtastyq uıymyna múshe memleketter Qaýipsizdik keńesteri hatshylarynyń jetinshi kezdesýiniń hattamasyna qol qoıyldy.
***
Stýdentter Erǵalı Adambaev pen Dıas Júnisbekov qazaq mátinderin terýge óte yńǵaıly kompıýter klavıatýrasyn jasap shyǵarypty. Taıadaǵy ǵana ózderiniń ónertabystaryna patent alǵan olar qurylǵynyń synamalyq partııasyna Qytaıǵa tapsyrys bergen. Bul jaıynda «Ekspress K» basylymyndaǵy «Klava, davaı!» degen taqyryptaǵy maqalada keńinen baıandalǵan. Gazettiń atap ótýinshe, stýdentterdiń óz jobalaryn iske asyrýyna halyqaralyq aqparattyq tehnologııalar ýnıversıtetiniń prezıdenti Erlan Saǵadıev qol ushyn bergen.
