«Beıbarys-Atyraý» hokkeı klýby 500 mln teńgege satyldy
ATYRAÝ. QazAqparat - «Beıbarys-Atyraý» hokkeı klýby 500 mln teńgege satyldy, dep habarlaıdy QazAqparat tilshisi.
Resmı ataýy «Beıbarys-Atyraý» shaıbaly hokkeıden oblystyq kásibı sporttyq klýby» kommýnaldyq memlekettik kásiporny dep atalatyn «Beıbarys» hokkeı klýby keıin satyp alý quqyǵymen 500 mln teńgege senimdi basqarýǵa berildi. Saýda-sattyq ótkizildi, bastapqy baǵa 183 mln teńge boldy», - dep málim etti oblystyq Qarjy basqarmasynyń basshysy Nursultan Bısembıev.
Aty-jóni atalmaǵan klýbtyń jańa ıegeri onyń qyzmetin jalǵastyrýǵa jáne jumysshylardyń sanyn qysqartpaýǵa mindetteledi. Onymen qosa, ol búgingi kúni 120 jetkinshek jattyǵyp júrgen balalar sektsııasyn saqtap qalýy tıis.
