Beıbarys Jeksen bokstan álem chempıonatynda úndistandyq qarsylasyn jeńdi

ASTANA. KAZINFORM - Anglııanyń Lıverpýl qalasynda World Boxing aıasynda ótip jatqan álem chempıonatynda Qazaqstan quramasynan Beıbarys Jeksen (60 keli) 1/4 fınalǵa shyqty.

Otandasymyz 1/8 fınalda úndistandyq Sachınmen qolǵap túıistirdi. Bıbarys jekpe-jek barysynda tóreshiler sheshimimen jeńiske jetti. Endi ol ózbek boksshysy Abdýmalık Halokovpen kezdesedi.

Aıta ketsek, budan buryn búgin el quramasynan Tórehan Sabyrhan (70 keli), Gúlsaıa Erjan (80 keli), Aıda Ábikeeva (65 keli) jarysty jalǵastyrýǵa múmkindik aldy.

Dúbirli doda 4-14 qyrkúıek aralyǵynda Anglııanyń Lıverpýl qalasynda ótkiziledi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde saıysqa túsedi. Al 12-13 qyrkúıekte jartylaı bolsa, 13-14 qyrkúıekte fınaldyq básekeler ótedi.

8 qyrkúıekte Qazaqstan quramasynan jeti boksshy sharshy alańǵa shyǵady.