Beıádep qylyq kórsetý jáne fonogrammany eskertýsiz qoldaný zańmen qadaǵalanady
«Zań jobasyna sáıkes mýzykalyq týyndylardy oryndaýshylardyń fonogrammany qoldanýy týraly erejeler sóz boldy. Qujatta sondaı-aq, memleket qaýipsizdigine nuqsan keltiretin áleýmettik, násildik, ulttyq, dinı, tektik-toptyq jáne rýlyq astamshylyqty, qatygezdik pen zorlyq zombylyqty nasıhattaýǵa nemese úgitteýge baǵyttalǵan aqparat aýqymyna tyıym salý erejeleri jazylǵan. Bul kópshilik qatysýymen ótetin is sharalarǵa qatysty», - delingen Senat baspasóz qyzmetiniń málimetinde.
Zań jobasyna oıyn-saýyq mádenı-buqaralyq sharalarda mýzykalyq týyndylardy oryndaý kezinde fonogrammalardyń qoldanylýy týraly kórermenge habarlaý jóninde mindetter engizildi. Senatorlar Qazaqstan halqynyń mádenı murasyn saqtaýdy qarastyratyn Qazaqstan ulttyq elektrondyq kitaphanasyn qurý máselesine de erekshe nazar aýdardy.