Betperde taǵý rejımi Reseıdiń 11 aımaǵynda qaıtadan mindetteldi

NUR-SULTAN. QazAqparat – Reseıdiń 11 aımaqtyq bıligi qoǵamdyq oryndarda betperde taǵýdy taǵy da mindettedi. Qalǵan 85-inde betperde taǵý medıtsınalyq mekemelerde ǵana talap etiledi. Bul týraly QR Sanıtarııalyq-epıdemıologııalyq baqylaý komıteti málim etti, dep habarlaıdy QazAqparat.

«Rospotrebnadzor» basshysy 50 aımaqta koronavırýs aýrýy artyp, 27-sinde tómendeıtinin málimdedi. Osy oraıda, Reseıdiń birqatar aımaqtarynda mindetti betperde taǵý rejıminiń oralýyna qaramastan, ony saqtaý talaptary pandemııa bastalǵan kezdegige qaraǵanda tómen. Máselen, Ýlıanovsk oblysynda qazir tek qoǵamdyq kólikterde, dárihanalarda jáne áleýmettik qyzmet kórsetý uıymdarynda betperde taǵý kerek. Baıkal aımaǵynda memlekettik bılik mekemeleri osy tizbege qosylady. Altaı Respýblıkasynyń bıligi azamattardyń birneshe sanatyna betperde taǵýdy mindettedi, olardyń ishinde saýda, qoǵamdyq tamaqtaný oryndary, kólik, HQO, bankter, poshta, bılik organdarynda azamattardy qabyldaý qyzmetteri bar. Al, Smolensk oblysynda, eger tutqyndarmen kezdesý áınektersiz ótkizilse, ÝFSIN mekemelerine kelýshiler tynys alý organdaryn osylaı qorǵaýǵa mindetti.