Betperde kıip janarmaı beketin tonaǵan qaraqshy izdestirilýde – Qostanaı oblysy
QOSTANAI. QazAqparat – Tártip saqshylary Qostanaıdaǵy janar-jaǵarmaı beketteriniń birin tonaǵan qaraqshyny izdestirip jatyr, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, oqıǵa búgin túnde «Qostanaı - Rýdnyı» tas jolynyń boıynda bolǵan. Jergilikti janarmaı beketiniń birinde betperde kıgen qaskóı kassırdi qorqytyp, 34 myń teńgeden astam qarajatty alyp ketken.
«Atalǵan fakti QR QK 191-baby (tonaý) boıynsha sotqa deıingi tergeýdiń biryńǵaı tiziliminde tirkeldi. Qazirgi ýaqytta kúdiktini anyqtaýǵa baǵyttalǵan jedel-tergeý sharalary júrgizilýde», - dedi vedomstvonyń baspasóz hatshysy Irına Bejenar.
