Betperde kıip 83 jastaǵy keıýanany tonaǵan aqmolalyq ustaldy
KÓKShETAÝ. QazAqparat – Aqmola oblysynyń Aqkól aýdanynda 83 jastaǵy keıýanany tonap ketken buzaqy ustaldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Quzyrly vedomstvonyń habarlaýynsha, 2019 jyldyń 19 tamyzynda Aqkól aýdandyq polıtsııa bólimine Novorybınka aýylynda turatyn 83 jastaǵy qart áıelge qarsy buzaqylyq jasalǵany týraly habarlama túsken. Qylmys tańǵy tórtte tirkelgen.
«Oqıǵa ornyna kelgen polıtsııa qyzmetkerleri buzaqynyń betinde qara betperde bolǵanyn anyqtady. Úıge basyp kirgen qaraqshy áıeldi edenge qulatyp, aıaq-qolyn matap baılap tastaǵan. Osydan keıin qoqan-loqy kórsetip, 75 myń teńge aqshasyn alyp ketken», - dep habarlaıdy departamentten.
Dál sol kúni quqyqqorǵaýshylar zardap shekken zeınetkerdiń úıine jaqyn mańda turatyn 44 jastaǵy kúdiktini qolǵa túsirgen.
«Aldyn ala aqparat boıynsha, er adam keıýananyń úıinde iri somada aqsha baryn estigennen keıin qylmysqa barǵan. Qylmys jasamas buryn kúdikti jumystan birjolata shyǵyp, tanystaryna aýyldan ketetinin aldyn ala aıtyp júrgen. Al shyntýaıtynda buzaqy qylmysyn iske asyrý úshin ıesiz qalǵan nysandardyń birin panalaı turǵan», - dep habarlaıdy tártip saqshylary.
Qazirgi ýaqytta kúdiktige qatysty Qylmystyq kodekstiń «tonaý» baby boıynsha tergeý amaldary júrgizilip jatyr.
