Betperde kıgen jigit Otyrarda lombardqa qaraqshylyq shabýyl jasady
TÚRKІSTAN. QazAqparat - Otyrar polıtsııa bólimine jergilikti lombardtardyń birine qaraqshylyq tonaý jasalǵany týraly qońyraý shalyndy, dep habarlaıdy Túrkistan oblystyq polıtsııa departamentiniń baspasóz qyzmetinen.
Oqıǵa ornyna kelip jetken polıtseıler betip búrkep alǵan belgisiz bireýdiń lombard qyzmetkerin qorqytyp, aqsha talap etkenin anyqtady. Biraq, aqshany ala almaǵan qaskúnem kólikke minip, oqıǵa ornynan qashyp ketken.
Oblystyq polıtsııa departamentiniń kezekshilik bóliminiń búkil jeke quramy kúdiktilerdi izdeýge dereý kirisip ketken. Qylmysty ashý maqsatymen tájirıbeli polıtseılerden qurylǵan arnaıy tergeý-jedel toby quryldy.
Jedel-izdeý sharalarynyń nátıjesinde polıtseıler kúdiktini Túrkistan qalasyna kiretin jolda ustady. Ol Shymkent qalasynyń jas turǵyny bolyp shyqty. Kóliktiń ishinde kúdiktimen birge sybaılasy, boıjetken otyrǵan. Onyń qylmysqa qatysy bar-joǵy sot aldyndaǵy tergeý amaldarynyń barysynda anyqtalatyn bolady.
Qazirgi kezde kúdikti qamaýǵa alyndy. QR Qylmystyq kodeksiniń eki baby: 188 («Urlyq») jáne 192 («Qaraqshylyq») boıynsha sot aldyndaǵy tergeý amaldary júrgizilýde.
