Betperde kıgen qarýly úsh adam Qarqaralydaǵy bankti tonamaq bolǵan
ASTANA. QazAqparat - Qaraǵandy oblysyndaǵy Qarqaraly qalasynda eskertý batyrmasynyń arqasynda bank bólimshesine shabýyldyń aldy alyndy. Bul týraly Qaraǵandy oblystyq ІІD baspasóz qyzmeti basshysynyń m.a. Batyrhan Smaıylov telefon arqyly habarlady.
Ekinshi deńgeıli bankti qarýly betperde kıgen úsh adam tonamaq bolǵan, dep málim etti baspasóz qyzmeti.
29 shildede keshke qaraı saǵat 17.30 shamasynda bank bólimshesine belgisiz bireýler qarýmen kirip kelgen, alaıda kassırlerdiń biri eskertý batyrmasyn basyp úlgergen. Oqıǵa ornyna polıtsııa qyzmetkerleri kelgenshe asyqqan qaraqshylar aqsha alyp úlgermeı qashyp ketken.
«Dabyl boıynsha Qarqaraly aýdandyq ІІB jeke quramy túgel kóterilgen. Polıtsııanyń jedel qyzmeti kýágerdiń aıtýy boıynsha kúdiktiler minip ketken kólik túrin anyqtaǵan. Osydan keıin tártip saqshylary osy kólik túriniń barlyǵynyń ıelerin tekserip shyqty. Qalaǵa jaqyn aýyldardyń biriniń úsh turǵyny anyqtalyp, ustalyp, olar isterin moıyndady», - deıdi B.Smaıylov.
Atalmysh oqıǵa sotqa deıingi tergeýlerdiń biryńǵaı tizilimine alynyp, QR QK 192 baby boıynsha qylmystyq is qozǵaldy, kúdiktiler ýaqytsha ustaý abaqtysyna qamaldy. Tergeý jalǵasýda.
