Betperde kıgen qarýly eki adam Túrkistandaǵy oıynhanany tonap ketti
Oqıǵa tańǵy saǵat 04:58 shamasynda bolǵan. Betperde kıgen, qolynda qarýy bar eki er adam oıynhanadaǵy kassa jáshigin buzyp, ishinen 350 000 teńgeni alyp ketken.
«Atalǵan derekti biz QR QK-niń 192-baby 2-bóligi boıynsha tirkedik. Jan-jaqty jedel izdestirý sharalarynyń nátıjesinde eki táýlik ishinde kúdikti retinde Túrkistan qalasynyń eki turǵynyn ustadyq. Tergeý barysynda kúdiktiler qylmys jasaǵanyn moıyndap, urlanǵan aqshany jeke qajetine jumsaǵanyn aıtty»,- dedi Túrkistan oblysy polıtsııa departamenti bastyǵynyń orynbasary, polıtsııa polkovnıgi Qurmanbek Sahov.
Tergeý barysynda kúdiktilerdiń biri qolyndaǵy tapanshanyń oıynshyq ekenin, ony qala bazarlarynyń birinen satyp alǵanyn aıtqan.
Al, qaraqshylyq shabýyl jasaǵannan keıin ol qarýdy dárethanaǵa tastaǵan. Keıinnen oıynshyq tapansha da zattaı dálel retinde tárkilengen.
«Qazirgi ýaqytta atalǵan jaıt boıynsha sotqa deıingi tergeý amaldary júrgizilip jatyr. Búgingi tańda kúdiktiler qamaýda. Oqıǵanyń búkil mán-jaıy anyqtalyp jatyr», - dedi Q. Sahov.
