Betpaqdalada iz-tússiz ketken 45 jastaǵy azamat bes táýlikten beri tabylmaı jatyr
TARAZ. QazAqparat - Jambyl oblysynda shóldi jerde joǵalyp ketken adam bes táýlikten beri izdestirilip jatyr, dep habarlaıdy QazAqparat tilshisi.
31 qańtarda 45 jastaǵy Moıynqum aýdany Jambyl aýylynyń turǵyny eldimekennen 15-20 shaqyrym qashyqtyqta ornalasqan fazendasyna «Mitsubishi Lancer» kóligimen shyǵyp ketip, qaıta oralmaǵan.
Aıta keteıik, Moıynqum - Jambyl oblysynyń ortalyǵynan shalǵaıda, Qaraǵandy oblysymen shekarada ornalasqan aýdan. Munda Betpaqdala shóli bar. Qysta aýa temperatýrasy 50 gradýs aıaz bolady. Eldimekenderde turǵyndar sany az.
«4 aqpanda er adamdy izdestirý jumystary bastaldy. Іzdeýge TJ departamenti men qutqarý jasaǵynyń 20 qyzmetkeri, 3 tóbet, «Qazavıaqutqarý» AQ 2 ushqyshy men tikushaǵy, polıtsııa bólimderiniń mamandary, turǵyndary tartyldy. Barlyǵy 50 adam qatysyp jatyr jáne 10 tehnıka jumyldyrylǵan», - dep túsindirdi Jambyl oblystyq TJD baspasóz qyzmeti.
Avtor: Galına Skrıpnık
