Betpaqdalada 3 adam iz-túzsiz joǵalyp ketti
TÚRKІSTAN. QazAqparat – Betpaqdalanyń Túrkistan oblysy Sozaq aýdanyndaǵy bóliginde 3 adam iz-túzsiz joǵalyp ketti. Qazir óńirdiń qutqarýshylary joǵalǵan turǵyndardy izdestirip jatyr, dep habarlaıdy QazAqparat tilshisi.
Oblystyq TJD habarlaýynsha, 24 qańtarda 1968, 1974 jáne 1977 jyly týǵan 3 er adam týystaryna Qaraǵandy oblysy Qarajal kentinde ekendigin aıtqan. Olar Betpaqdalaǵa «Shansıman», «Kamaz» jáne «Man» avtokóligimen shyǵatyndyǵyn habarlaǵan. Biraq sodan keıin eshbir habar bolmaǵan. Eki táýlikten keıin týystary TJD-ǵa habarlasyp, izdestirý sharalaryn júrgizýin ótingen.
«Qutqarýshylar 27 qańtarda saǵat 07.00-den bastap izdestirý jumystaryna kiristi. Іzdestirý jumystaryna Túrkistan oblysy TJD-nyń 1 qyzmetkeri jáne 1 jergilikti ańshy jumyldyryldy. Saǵat 11.20-daǵy jaǵdaı boıynsha izdestirý nátıje bergen joq» delingen habarlamada.
