«Betmendi» somdaǵan akter Vel Kılmer 65 jasynda dúnıeden ozdy

ASTANA. KAZINFORM – «Aısmen», «Djım Morrıson» jáne «Betmendi» somdaǵan Gollıvýd akteri qaıtys boldy, dep habarlaıdy Euronews. 

«Betmen máńgilik» jáne The Doors fılmderindegi rólderimen tanymal 65 jastaǵy amerıkalyq akter Vel Kılmer pnevmonııanyń asqynǵan túrimen aýyrǵan. Bul týraly akterdiń qyzy Mersedes Kılmer habarlady. Akter seısenbi kúni keshke Los-Andjeleste otbasy men dostarynyń ortasynda kóz jumǵan.

2014 jyly oǵan kómeı isigi dıagnozy qoıyldy. Biraq ol aýrýdan aıyǵyp ketken. 

Kılmer 1959 jyly Los-Andjeleste dúnıege kelgen. Ol óziniń mansabyn teatr akteri retinde bastady, al onyń úlken ekrandaǵy serpilisi 1984 jylǵy «Óte qupııa!» tyńshylyq komedııasy boldy. Odan keıin 1985 jyly «Naǵyz genıı» komedııasy shyqty. 

Sodan keıin ol Tom Krýzben birge «Úzdik mergen» fılmine tústi. Al 1990 jyldary Gollıvýdtaǵy eń joǵary aqy tólenetin akterlerdiń biri boldy. Atap aıtqanda, Olıver Stoýnnyń attas fılminde The Doors tobynyń jetekshisi Djım Morrısonnyń rólin, al 1993 jyly «Betmen máńgilik» fılminde basty keıipker Betmendi somdaǵan. 

Eske sala keteıik, buǵan deıin «Oskar» syılyǵynyń eki dúrkin ıegeri Djın Hekmen ómirden ozǵanyn habarlaǵan edik.