Betmen fılminde basty róldi somdaǵan Beıl AQSh-ta atys barysynda zardap shekkendermen kóristi
ASTANA. 25 shildi. QazAqparat - «Qara rytsar: Ańyzdyń oralýy» atty Betmen týraly túsirilgen jańa fılmde basty róldi somdaǵan akter Krıstıan Beıl, atalmysh fılmniń tusaýkeserinde bolǵan atys barysynda jaralanǵandar jatqan Avrora qalasynda bolyp qaıtty.
Bul týraly CNN habarlady.
Beıl zaıybymen birge 20 shilde kúni kınonyń premeralyq kórsetilimi barysynda 12 adap óltirilip, 59-y jaralanǵan kınoteatrdyń janyndaǵy memorıalda boldy. Akter qurban bolǵandardyń rýhyna taǵzym etip, memorıalǵa gúl shoqtaryn qoıdy.
Beıl sondaı-aq shabýyl saldarynan zardap shekkender emdelip jatqan aýrýhanada boldy. Naýqastar mundaı kezdesýge asa qýanyshty boldy. Contactmusic -ta atap kórsetilgendeı, Beıldiń bul sapary onyń jeke nıeti bolǵan.
Eske salaıyq, polıtsııa atysty uıymdastyrǵan basty kúdikti - 24 jastaǵy Djeıms Holmsty tutqyndady. Resmı túrde aıyptar 30 shilde kúni taǵylady dep kútilýde.
