Betińizdegi bórtpe neni bildiredi?
ASTANA. QazAqparat - Bet terisiniń bir jerine ǵana qaıtalanyp bórtpe shyǵa berse, onda oǵan bir músheńizdiń aýrýy, durys tamaqtanbaý jáne durys kútim jasamaý sebep bolýy múmkin, dep jazady massaget.kz.
Iektegi bórtpe
Eger kóp jaǵdaıda bezeýdi bettiń tómengi jaǵynan nemese tómengi jaq syzyǵynan baıqasańyz, mindetti túrde endokrınologqa qaralyńyz. Qalqansha bezdegi jumystyń aýytqýy jáne garmondy teńgerimsizdik bette osy jaǵymsyz jolmen kórinedi.
Samaıdaǵy bórtpe
Eger bezeýler men bórtpeler samaıǵa kóp shyqsa, teriniń qurǵap ketkendigin bildiredi. Sondyqtan, sýdy kóp mólsherde ishińiz.
Mańdaıdaǵy bórtpe
Mańdaıǵa bórpeniń kóp shyǵýyna shashqa arnalǵan sapasyz sýsabyn men balzam kináli. Sebebi olar terige tıip, usaq tesikterge kirip ketedi. Ekinshi sebep - betke jaqqan boıaýdy durys ketirmeý. Úshinshi sebep - skrabtardy mólsherden tys kóp paıdalaný. Sebebi, olardy kóp qoldanǵan jaǵdaıda teriniń qorǵaýshy qabatyn buzady.
Erin aınalasyndaǵy bórtpe
Eger erin aınalasyna bórtpe kóp shyǵa berse, tátti jáne maıly taǵam mólsherin azaıtyńyz. Asqazanyńyz osyndaı jolmen sizge belgi berip tur.
Jaqtaǵy bórtpe
Jaqtaǵy bórtpe jaǵyńyzdy taıanyp (qolyńyzdy súıenip) otyrǵannan nemese uıaly telefonmen uzaq sóılesýden bolady. Sondyqtan qolǵa arnalǵan antıbakterııalyq spreı alyńyz.
T-zonadaǵy bórtpe
T-zonadaǵy bórtpe juqarǵan júıkeniń (kúızelis, uıqynyń qanbaýy jáne t.b) tikeleı kórinisi. Sondyqtan demalys alýǵa tyrysyńyz nemese túnimen ınternet jelisinde otyrýdan bas tartyńyz.
