«Betinen taspen urǵan»: Áıel adam qyzǵanyshtan astanalyq eki qyzdy soqqyǵa jyqty

ASTANA. QazAqparat – Astanada qyzǵanyshtan tóbeles shyqqan, dep habarlaıdy QazAqparat tilshisi.

27 tamyzda Beıbitshilik kóshesi, 26 úıde áıel adam eki boıjetkenge shabýyl jasaǵan: biriniń betinen taspen urǵan jáne ol esin joǵaltqan.

Belgili bolǵandaı, eki jas qyz úıdiń kireberisinde kórshisin (er adam) kezdestirip qalǵan. Ol qyzdardan dosyna habarlasyp, shaqyryp berýin ótingen. Er adamnyń dosy kelgen kezde onymen birge turatyn áıel tóbeles shyǵarǵan.
Zardap shegýshilerdiń aıtýynsha, áıel tyıym salynǵan zat (esirtki) paıdalanǵan. Shabýyldaýshy áıel eki qyzdy polıtsııaǵa habarlassa, olarǵa esirtki salyp, ustatyp jiberetinin aıtyp, qorqytqan.

Elordalyq polıtsııa departamentinde «Buzaqylyq» baby boıynsha sotqa deıingi tergeý bastaldy.