Betin qan japqan aleppolyq uldyń beınesi álemdi dúr silkindirdi

ASTANA. QazAqparat - Sırııanyń úkimetke qarsy belsendileri qorshaýǵa alynǵan Aleppo qalasyndaǵy áýe soqqysynan qıraǵan ǵımarattan qutqarylǵan balanyń jan túrshigerlik kadrlaryn jarııalady.

Betin qan japqan, jedel járdem kóliginde eseńgirep otyrǵan balanyń vıdeosy men fotolary áleýmettik jelige jyldam tarap, narazylyq tolqynyn týdyrdy, dep habarlady www.bbc.com.

Dárigerlerdiń málimetine qaraǵanda, balanyń esimi Omran Daknısh, bes jasta. Sársenbi kúni keshke oǵan medıtsınalyq járdem kórsetildi - balanyń basyna qatty zaqym kelgen.

Onyń otbasynyń basqa músheleriniń qandaı jaǵdaıda ekendigi áli belgisiz.