Betim men qolymdy tyrnap aldy: júrgizýshiden taıaq jegen bloger ıAndeks.Taksıdi sotqa bermek
ALMATY. QazAqparat – ıAndeks.Taksı júrgizýshisinen zardap shekken bloger-stılıst Mıra Bergen sotqa shaǵym túsirdi. Onyń kompanııanyń ózine de, taksı parkine de shaǵymy bar, dep habarlaıdy QazAqparat tilshisi.
Mıranyń aıtýynsha, 31 shildede dostarymen kezdesýge barý úshin qosymsha arqyly taksı shaqyrtqan.
«Bıznes» tarıfti taksı shaqyrdym. Daıyndalyp jatqanymda, kólik kelip, mekenjaıda kútip turǵany týraly habarlama tústi. Syrtqa shyqsam, jańbyr qatty jaýyp tur. Biraq, kólik áli kelmegen. Taksıdiń qaıda ekenin bilý úshin qońyraý shaldym. Al taksı júrgizýshisi – áıel adam meniń qońyraýyma ashýlanyp jaýap berdi, ol dóreki únmen turǵyn úı kesheniniń aýlasyna kiretin joldy tappaı júrgenin aıtty. Birneshe mınýttan keıin keldi, men óz narazylyǵymdy bildirdim. Júrgizýshi keshigip keldi, maǵan kútý sıgnaly baıaǵyda túsken. Tıisinshe, osy ýaqyt boıy, ıaǵnı men kólikke otyrǵansha aqshasy ósip jatty», - deıdi ol.
Blogerdiń bul sózi júrgizýshige unamaı qalady da, odan ári dórekilik tanyta bastaıdy. Mıra Bergenniń aıtýynsha, ol aldymen sabyrǵa shaqyrǵan, biraq jaýap retinde júrgizýshi ony dittegen jerine aparýdan bas tartatynyn aıtyp, kólikten túsýin «ótingen». Osydan keıin bloger ony vıdeoǵa túsire bastaıdy.
«Men aldymen basqa taksı shaqyramyn, sodan keıin ǵana túsemin dedim, óıtkeni syrtta jańbyr jaýyp turǵan. Biraq kamerany kórgen ol telefonymdy tartyp almaq bolyp, maǵan qaraı umtyldy. «Tutynýshylardyń quqyqtaryn qorǵaý týraly» zańda qyzmet kórsetetin nemese taýar satatyn qyzmetkerler qyzmet kórsetý kezinde beıne jáne foto túsirýge kedergi keltirýge quqyǵy joq delingen», - deıdi jolaýshy.
Qyzdy kólikten shyǵarýǵa birneshe ret jasaǵan áreketi sátsiz bolǵan soń, júrgizýshi onyń qoly men betin tyrnap, kúshpen shyǵaryp alǵan. Sonymen, Mıra Bergen eshqaıda barmaıdy. Biraq, qandaı da bir sebeptermen taksı qyzmeti úshin jolaýshynyń kartasynan aqsha sheshilgen.
«Sol kúni men polıtsııaǵa aryz jazdym, sot-medıtsınalyq saraptamaǵa joldama suradym, sodan keıin ıAndeks qoldaý qyzmetine jazdym. Kompanııa maǵan seriktesiniń mekenjaıyn berdi – taksı kompanııasy. Sodan keıin meniń advokatym osy mekenjaıǵa bardy, biraq ol jerde taksı kompanııasy joq bolyp shyqty. Sodan keıin biz qaıtadan ıAndekske júgindik, olar bizge mekenjaılaryn berdi. Meniń qorǵaýshym aıtqan jerge bardy, sonda bir jigit otyrǵan. «Bul ıAndeks keńsesi emes, biraq siz qujattardy qaldyryńyz, men ony tapsyramyn», - dedi. Demek, is júzinde ıAndeks keńsesi de, seriktes keńsesi de, ıaǵnı taksı parki de joq. Bul – birinshi bolyp ashylǵan úlken másele... Bul taksı qyzmeti boıynsha qıyndyqtar týyndaǵanda, siz eshteńe isteı almaısyz, óıtkeni bul kompanııa fızıkalyq túrde joq», - deıdi ol.
Bloger men onyń qorǵaýshysy taksı kompanııasynyń ústinen shaǵym túsiredi.
«Eki aptadan keıin taksı kompanııasynyń ókili keldi. Ol qorǵaýshyma habarlasyp, menimen kezdesip, aryzymdy qaıtaryp alýǵa kóndirgisi keldi. Onyń aıtýynsha, bul olardyń ıAndekspen odan ári yntymaqtastyǵyna keri áserin tıgizýi múmkin... Sodan keıin olar bizge qaıta habarlasty, olar júrgizýshi áıeldiń keshirim suraýǵa daıyn ekenin, biraq kópshilik aldynda emestigin aıtty. Men bul keshiriminen bas tarttym, sebebi ol meni renjitti. Men ony sotqa beremin dedim. Jaqynda sot-medıtsınalyq saraptamanyń qorytyndysyn aldym. Kelesi aptada ákimshilik sot bolady. Osydan keıin taksı kompanııasyna jáne ıAndekske moraldyq, fızıkalyq jáne materıaldyq zııan keltirgeni úshin shaǵym túsirgim keledi», - deıdi Mıra Bergen.
Sondaı-aq, ol taksı júrgizýshisiniń qarsy aryz jazǵanyn aıtty.
«Oǵan onyń quqy bar. Alaıda, mende vıdeo bar. Endi bir jaǵdaıda men talapker, al ol jaýapker, al basqa jaǵdaıda men jaýapker, al ol talapker retinde áreket etemin», - dep atap ótti bloger.
Bul oqıǵaǵa qatysty «ıAndeks Go» baspasóz qyzmeti túsinikteme berdi.
«Quqyq qorǵaý organdary mán-jaıdy anyqtaıdy. Bizdiń derekterimiz boıynsha, taksı qyzmetin qoldanýshy aryz jazǵan. Resmı suranys boıynsha qajetti aqparatty berýge daıynbyz. Biz júrgizýshi jumys isteıtin seriktes-tasymaldaýshymen bolǵan jaǵdaıdy túsinemiz. Ol tekserýdiń sońyna deıin tapsyrystardan ýaqytsha shettetildi», - dep málimdeıdi ıAndeks Go ókilderi.
Almaty qalalyq ІІD málimetinshe, bul derekti aýmaqtyq bólim boıynsha Bostandyq aýdandyq polıtsııa basqarmasy tekserip jatyr.
«Eki tarap málimdeme jasady. Qazaqstan Respýblıkasy ÁQBtK-niń 73-1 baby (Densaýlyqqa qasaqana jeńil zııan keltirý) boıynsha materıal jınaqtaldy. Sot-medıtsınalyq saraptama taǵaıyndaldy. Jaqyn arada is materıaldary sheshim shyǵarý úshin sotqa joldanady», - dep habarlady qalalyq DP baspasóz qyzmetinen.
