«Betashar» fılmi Italııadaǵy festıvalge usynyldy
ASTANA. QazAqparat - Italııanyń Palermo qalasynda álemdegi eń ejelgi sporttyq kınofestıval óziniń resmı saıtynda «Paladino D'Oro 2017» baıqaýyna usynylǵan fılmderdiń tizimin jarııa etti, dep habarlaıdy QazAqparat.
Jeltoqsannyń 11-16-sy kúnderi Italııada ótetin 38-shi Halyqaralyq sporttyq kıno festıvalge usynylǵan 51 fılmniń arasynda Qazaqstannyń týmasy, telejýrnalıst Sergeı Aleksandrovtyń týyndysy da bar. Ol festıvalge «Betashar» dep atalatyn reseılik-qazaqstandyq fılmdi áleýmettik kıno syılyǵy atalymyna usynyp otyr. 55 mınýttyq fılmde qazaqtyń kelin túsirý salt-dástúri keńinen ashyp kórsetilgen.
Aıta keterligi, «Paladino D'Oro 2017» baıqaýynyń jeńimpazdaryn anyqtaýǵa kez kelgen eldiń azamaty qatysy alady. Ol úshin baıqaýǵa usynylǵan fılmderdiń treılerin kórip, YouTube men Facebook-tegi resmı paraqshadan ózińe barynsha unaǵan týyndyǵy daýys berýińiz qajet. Jeńimpaz fılm treıleriniń kórilim sany men basylǵan laık sanymen aıqyndalady.
