Bet-álpetke qarap genetıkalyq aýrýdy anyqtaıtyn qosymsha ázirlendi
ASTANA. QazAqparat - Jasandy ıntellekt adamnyń kózqarasyna, bet- álpetindegi erekshelikterine qarap, aýrý belgileri paıda bolmaı turyp erte dıagnostıka jasaýǵa kómektesetin bolady.
BBC basylymynyń jazýynsha, ǵalymdar jańa zertteý barysynda adamnyń júzindegi ózgerister naqty bir aýrýdyń belgileri bola alatynyn anyqtady.
«FDNA atty bostondyq startap kompanııa Face2Gene qosymshasyn jasap shyǵarǵan. Bul qosymsha emdelýshiniń bet-álpetine qarap genetıkalyq aýrýlardyń paıda bolýyn erte anyqtaı alady. Qosymsha jasandy ıntellekt tehnologııasyna negizdelgen. Onyń algorıtmi adamnyń bet pishinine qarap sırek kezdesetin genetıkalyq aýrýlardy da erte anyqtaı alady», - dep jazady basylym.
Avtordyń aıtýynsha, algorıtmge 216 genetıkalyq aýrýmen aýyratyn 17 myń adamnyń sýreti kórsetilgen. Sol arqyly jasandy ıntellekt olardyń kelbetindegi ózgerister men erekshelikterdi anyqtaǵan.
«Bul belgilerdi dárilerger kóre almaıdy. Osy kúnge deıin Face2Gene júıesi qoıǵan dıagnozdyń 91% durys bolyp shyqqan. Al genetıkalyq aýrýlar erte anyqtalǵan jaǵdaıda oǵan jasalatyn em-dom sharalary da jyldam áser etetini belgili. Sırek kezdesetin aýrýlar álem halyqtarynyń on paıyzynda bolatyndyqtan, mundaı tehnologııalar medıtsınaǵa tóńkeris ákeletin bolady», - deıdi avtor.
