Bestóbede bolǵan tóbelesten 2 polıtseı zardap shekti - ІІD basshysy
KÓKShETAÝ. QazAqparat - Bestóbede shahterler men kenish kúzetshileri arasynda bolǵan tóbelesten 2 polıtseı zardap shekti. Bul týraly búgin jýrnalıstermen kezdesken oblystyq ІІD basshysy Erjan Sádenov aıtty.
Onyń aıtýynsha, Bestóbedegi oqıǵa buzaqylyqqa jatady.
«Mys Orda» kúzet fırmasy men «Qazaqaltyn» TMK» AQ shahterleri arasynda bolǵa tóbelesten 14 adam zardap shekti. Onyń 2 polıtseıler. Sondaı-aq, jeke qarýdan jumysshylarǵa oq atqan eki kúzetshi fırmanyń kepilimen bosatyldy. Qazirgi kezde, munda jaǵdaı turaqty. Atalǵan oqıǵa baılanysty sotqa deıingi tergeý amaldary júrgizilýde» , dedi E.Sádenov.
Eske sala ketsek, 16 maýsym kúni keshki 20:30 shamasynda Bestóbedegi «Qazaqaltyn» TMK» JShS shahtasynda jumys aýysymy aıaqtalar sátte ken ornynyń kúzetshileri men jumysshylary qaqtyǵys oryn alǵan bolatyn. Sonyń saldarynan 14 shaqty adam zardap shekti. Keıin Stepnogor qalasynyń jergilikti atqarýshy organdary men prokýratýranyń, oblystyq ІІD men qalalyq ІІB basshylyǵynyń túsindirý jumystarynan soń adamdar úılerine tarap, daýdy sheshý úshin dóńgelek ústel ótkizý uıǵaryldy.
«Atalǵan fakt boıynsha QR QK 293-baby 3-bólimi 2-bóligine («Buzaqylyq») sáıkes sotqa deıingi júrgizilgen tergeý amaldary barysynda kúzet fırmasynyń qyzmetkerleri qarý qoldanǵany anyqtaldy. Keıin kúdiktiler, ıaǵnı, atalǵan ken ornynyń eki kúzetshisi ýaqytsha ustaý oqshaýlaǵyshyna qamalyp, ústerinen QR QK 252-babynyń 2-bólimi boıynsha (qarý jáne arnaıy quraldardy qoldanǵanda jeke kúzet qyzmeti qyzmetkerleriniń ókilettikti asyra paıdalanýy) sotqa deıingi óndiristik is qozǵalǵan bolatyn.
