Bestóbede 4 adam quramynda altyny bar kvarts rýdasyn urlamaq bolǵan - Aqmola oblysy
KÓKShETAÝ. QazAqparat - Aqmola oblysynyń Bestóbe kentinde kvarts rýdasyn urlamaq bolǵan 4 adam ustaldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha, aǵymdaǵy jyldyń 10 naýryzynda túngi ýaqyt 23:00-derde Stepnogorsk qalalyq ІІB krımınaldy polıtsııa qyzmetkerleri Bestóbe kentindegi shahtalardyń biriniń aýmaǵyna zańsyz kirgen 4 adam ustady. Tekseris barysynda kúdiktilerden 15 keli kvarts rýdasy tárkilendi.
«Kúdiktilerdiń biri Pavlodar qalasynyń 54 jastaǵy turǵyny bolsa, ekinshisi 47 jastaǵy -astanalyq, qalǵan ekeýi 48 jáne 49 jastaǵy jergilikti turǵyndar.
Qazirgi kezde kúdiktilerdiń ústinen QR QK 334 babynyń 1 bólimi boıynsha qylmystyq is qozǵaldy», dep kórsetilgen habarlamada.
Eske sala keteıik, ótken jyly Bestóbe kentindegi shahtalardyń aýmaǵynan 800-den astam zańsyz altyn rýdalaryn urlaýshylar ustalyp, 7 tonnadan astam quramynda altyny bar kvarts rýdasy tárkilendi.
