Bestóbe – Stepnogorsk ýchaskesinde kóliktik baqylaý kúsheıtildi
ASTANA. KAZINFORM — Kólik mınıstrliginiń Avtomobıl kóligi jáne kóliktik baqylaý komıtetiniń Aqmola oblysy boıynsha kóliktik baqylaý ınspektsııasy avtomobıl joldarynyń jekelegen ýchaskelerinde kelip túsetin ótinishterdi pysyqtaý boıynsha júıeli jumystar júrgizýde.
Qazirgi ýaqytta azamattardyń ótinishine sáıkes eki jyljymaly kóliktik baqylaý beketi Bestóbe – Stepnogorsk avtojol ýchaskesinde kólik quraldarynyń salmaqtyq jáne gabarıttik parametrlerin qosa alǵanda, kólik zańnamasy talaptarynyń saqtalýyn baqylaýda.
Atalǵan ýchaskede buǵan deıin ruqsat etilgen salmaq normalarynyń buzylý faktileri birneshe ret anyqtalǵan. Tekserý qorytyndysy boıynsha Inspektsııa tasymaldaýshylar men júk jóneltýshige qatysty ákimshilik sharalar qabyldady.
Aıta ketelik Stepnogorsk qalasynyń ákimi jaýapkershilikke tartylǵany týraly jazǵan edik.