Bestóbe kentinde bir táýliktiń ishinde 14 altyn izdeýshi ustaldy
KÓKShETAÝ. QazAqparat- Aqmola oblysynyń Bestóbe kentinde bir táýliktiń ishinde 14 altyn izdeýshi ustaldy. Bul týraly oblystyq ІІD baspasóz qyzmetinen habarlady.
Polıtseılerdiń məlimeti boıynsha jyl basynan beri munda 5 200 altyn izdeýshi ustalyp, Aqsý jəne Bestóbe kentindegi polıtsııa bólimshelerine jetkizilgen.
«Osy kúni Stepnogorsk qalasynyń mańyndaǵy altyn kenishterine paıda tabý úshin kórshi oblystarmen qatar, elimizdiń Batys Qazaqstan, Ońtústik Qazaqstan, Jambyl jáne Almaty oblystarynan turǵyndardyń kelip otyrǵany anyqtalyp otyr. Osyǵan oraı, jol patrýldik polıtsııa qyzmetkerleri arnaıy reıdtter barysynda 1 000 astam kólikti teksergen. Qala aýmaǵynda rýda óńdeıtin 25 shaǵyn tseh, 20 tonnadan astam quramynda altyny bar kvartts rýdasy tárkilendi. Oǵan qosa, Bestóbe jáne Aqsý kentindegi shahtalarda tereńdikke zańsyz kirý joldary anyqtaldy.
Barlyq oqıǵalarǵa baılanysty 160 qylmystyq is qozǵaldy, onyń ishinde 99 qylmystyq is QR QK 334 baby boıynsha, 4 qylmystyq is QR QK 287 baby boıynsha, 6 qylmystyq is QR QK 196 baby boıynsha qozǵaldy.
Zańsyz ken qazý adam ómirine qaýipti. Sol sebepti tártip saqshylary altyn izdeýshini anyqtap, olardyń jolyn kesý arqyly aldyn alý sharalaryn júzege asyrýda.
«...altyn izdeýshiler arnaıy kıim men qural-jabdyqsyz shahtaǵa túsedi. Qaýipsizdik erejeleri saqtalmaǵandyqtan olar jaraqat nemese ajal qushýy múmkin», deıdi polıtseıler.
