Besterektegi jol apatyna qatysty is sotqa joldandy

SEMEI. KAZINFORM – Abaı oblysynyń Úrjar aýdanynda 4 balanyń qazasyna ákelip soqqan jol-kólik oqıǵasy boıynsha is sotqa joldandy.

Qylmystyq is Abaı oblysynyń qylmystyq ister jónindegi mamandandyrylǵan aýdanaralyq sotyna tústi. QR Qylmystyq Kodeksiniń 345-baby 4-bóligi boıynsha qaralatyn protsess ashyq túrde ótedi.

- Qazir materıal aldyn ala tyńdaý satysynda. Negizgi sot otyrystarynyń ýaqyty áli belgilengen joq. Sýdıa protseske qatysty tek úkim jarııalanǵannan keıin ǵana pikir bildire alady. Bul sot isin júrgizýdiń talaptaryna sáıkes, - dep habarlady sottyń baspasóz qyzmetinen.

Aldyn ala tyńdaý barysynda is materıaldary zerttelip, taraptar tizimi anyqtalyp, isti mán-jaıy boıynsha qaraýǵa daıyndyq júrgiziledi. Sot otyrystarynyń kestesi bekitilgennen keıin qosymsha aqparat usynylmaq.

Eske salsaq, qaıǵyly oqıǵa 19 tamyz kúni bolǵan.

Kóp uzamaı ákimdikten oqıǵanyń mán-jaıyn aıtyp berdi.

Kúdikti júrgizýshi dereý ustalyp, ýaqytsha ustaý ızolıatoryna qamalǵan.

Qazan aıynda Besterek aýylynda jol apatyna túsip, aýyr halde jatqan qyz kóz jumǵany belgili boldy.