Besterektegi jol apaty: Júrgizýshi marqum balalardyń otbasylaryna 50 mln teńge tóleıdi

SEMEI. KAZINFORM — Abaı oblysy Besterek aýylynda tórt balanyń ómirin qıǵan jol-kólik oqıǵasy boıynsha kináli dep tanylǵan júrgizýshiden marqumdardyń ata-anasyna 50 mıllıon teńge moraldyq shyǵyn óndirilmek.

Sot materıaldaryna súıensek, jol-kólik oqıǵasy kezinde júrgizýshiniń epılepsııa ustamasy ustap, sonyń saldarynan kólikti basqara almaı qalǵan. 

Sot jaza taǵaıyndaý kezinde isti jeńildetetin mán-jaılardy, onyń ishinde er adamnyń kinásin moıyndaýyn, asyraýynda kámeletke tolmaǵan balasy bar ekenin eskerdi.

Sot otyrysynyń qorytyndysy boıynsha jábirlenýshi taraptyń azamattyq talap aryzy qanaǵattandyrylyp, jaýapker moraldyq shyǵyn úshin 50 mıllıon teńge ótemaqy tóleýge mindetteldi. Úkim áli zańdy kúshine engen joq.

Eske salsaq, osyǵan deıin Abaı oblysynda tórt balanyń ómirin qıǵan jol-kólik oqıǵasy boıynsha sot úkimi shyqqany habarlanǵan.