Besterektegi jol apaty: zardap shekken balalardyń jaǵdaıy qalaı

ASTANA. KAZINFORM – Abaı oblysynyń Úrjar aýdanynda JKO-dan zardap shekken balalarǵa búgingi tańda barlyq qajetti medıtsınalyq kómek kórsetilip jatyr. Bul týraly DSM baspasóz qyzmeti habarlady. 

Oblystyq jáne respýblıkalyq deńgeıdegi mamandardan turatyn mýltıdıstsıplınalyq brıgada dıagnostıkalyq zerttep-qaraýlardyń barlyq keshenin júrgizip, zardap shekkenderdiń jaǵdaıyn baǵalap, jedel emdeý josparyn jasady.

— Statsıonarda zardap shekken úsh bala bar, olardyń bireýiniń jaǵdaıy óte aýyr, qalǵan ekeýi turaqty aýyr dep baǵalanýda.

Patsıentter jaǵdaıynyń aýyrlyǵy alynǵan jaraqattarǵa baılanysty. Balalarda bassúıek-mı jaraqattary, tirek-qımyl apparaty men ishki aǵzalardyń jaraqattary dıagnozy qoıylǵan.

Balalardyń jaǵdaıy turaqtalǵannan keıin olardy Astanaǵa áýe bortymen tasymaldaý máselesi sheshiletin bolady, — delingen DSM habarlamasynda.

Patsıentterdiń birine dárigerler brıgadasy qazir mıǵa kúrdeli neırohırýrgııalyq operatsııa jasap jatyr, ishki aǵzalardan qan ketý toqtatyldy.

Buǵan deıin habarlanǵandaı, Memleket basshysynyń tapsyrmasy boıynsha Abaı oblysynyń Úrjar aýdanynda jol-kólik oqıǵasynan zardap shekken balalarǵa medıtsınalyq kómek kórsetý úshin Qorǵanys mınıstrliginiń S-295 áskerı-kóliktik avıatsııa ushaǵynyń bortynda medıtsınalyq brıgada ushqan bolatyn.

Komandanyń quramynda-neırohırýrg, travmatolog jáne reanımatolog bar.

Densaýlyq saqtaý mınıstrligi jaǵdaıdy erekshe baqylaýda ustap otyr. Balalarǵa medıtsınalyq kómek tolyq kólemde kórsetilip jatyr, elimizdiń úzdik mamandary tartylǵan. 

Aıta ketelik Abaı oblysynda bolǵan jol-kólik oqıǵasyna baılanysty Memleket basshysynyń tapsyrmasy boıynsha zardap shekkenderge shuǵyl medıtsınalyq kómek kórsetý úshin áskerı ushaq jiberilgen edi.