Besterektegi jol apaty: mınıstr zardap shekken balalardyń jaı-kúıin bilý úshin aýrýhanaǵa bardy
ASTANA. KAZINFORM – Densaýlyq saqtaý mınıstri Aqmaral Sháripbaıqyzy Álnazarova Úrjarda bolǵan qaıǵyly oqıǵadan zardap shekken balalardyń jaı-kúıin bilý úshin aýrýhanaǵa keldi. Bul týraly Astanadaǵy №2 kópbeıindi qalalyq balalar aýrýhanasynyń baspasóz qyzmeti habarlady.
Búgin Qazaqstan Respýblıkasynyń Densaýlyq saqtaý mınıstri Aqmaral Sháripbaıqyzy Álnazarova jáne Astana qalasynyń Qoǵamdyq densaýlyq saqtaý basqarmasynyń basshysy Álııa Shaızadaqyzy Rústemova Úrjarda bolǵan qaıǵyly oqıǵadan zardap shekken balalardyń jaı-kúıin bilý úshin Astanadaǵy №2 kópbeıindi qalalyq balalar aýrýhanasyna bardy.
Sapar barysynda aralaý júrgizilip, balalardyń anasymen áńgimelesti. Barlyq qajetti medıtsınalyq kómektiń tolyq kólemde kórsetilip jatqany aıtylyp, qoldaý bildirildi.
Dárigerler balalardyń ómirin qutqarý úshin qoldan kelgenniń bárin jasap jatyr.
Aıta ketelik Abaı oblysyndaǵy jol apatynan keıin Prezıdent tapsyrmasymen áskerı ushaq attanǵan edi. Búgin zardap shekken balalardyń jaǵdaıy týraly jazǵan edik. Belgili bolǵandaı, zardap shekkender eki otbasynyń balalary. Keshe Abaı oblysynyń Úrjar aýdanynan jol-kólik oqıǵasynan zardap shekken eki balany Ulttyq shuǵyl medıtsınany úılestirý ortalyǵynyń sanıtarııalyq avıatsııa borty Astana qalasyna alyp kelgen edi.