Besterektegi jol apaty: júrgizýshi 2 aıǵa qamaldy

ASTANA. KAZINFORM – Abaı oblysynyń Úrjar aýdanynda bolǵan úsh balanyń qaza bolýyna ákep soqqan jol-kólik oqıǵasy boıynsha oblystyq polıtsııa departamenti qylmystyq isti tergep jatyr. 

Kúdikti júrgizýshi dereý ustalyp, ýaqytsha ustaý ızolıatoryna qamaldy.

Sot sanktsııasymen oǵan eki aıǵa qamaýda ustaý túrindegi bultartpaý sharasy qoldanyldy.

Qylmystyq istiń tergelýi Іshki ister mınıstrliginiń baqylaýynda. 

Aıta ketelik keshe Abaı oblysyndaǵy jol apatynan keıin Prezıdent tapsyrmasymen áskerı ushaq attanǵan edi. Búgin zardap shekken balalardyń jaǵdaıy týraly jazǵan edik. Sonymen qatar Abaı oblysynyń ákimdigi oqıǵanyń mán-jaıyn aıtqan edi. Belgili bolǵandaı, zardap shekkender eki otbasynyń balalary.