Besterektegi jol apaty: aýrýhanaǵa túsip, hal ústinde jatqan qyz kóz jumdy

ASTANA. KAZINFORM – Abaı oblysyndaǵy Besterek aýylynda jol apatyna túsip, aýyr halde jatqan qyz kóz jumdy. Sonymen jol apaty qurbandarynyń sany 4 adam boldy.

Kishkentaı qyz apattan soń, aýrýhanada komada jatqan edi.

Aıta keteıik, qaıǵyly oqıǵa 19 tamyz kúni boldy. Toyota markili kóligi bir top balalardy qaǵyp ketken bolatyn. Oqıǵa ornynda eki bala jáne aýrýhanaǵa kele jatqanda taǵy bir bala kóz jumdy.

Prezıdenttiń tapsyrmasymen aman qalǵan úsh adamǵa kómek kórsetý úshin áskerı ushaq ushyp shyqty.

Olardyń densaýlyq jaǵdaılary turaqtanǵan soń eki bala sanavıatsııamen Astanaǵa jetkizildi.

Zardap shekken eń úlken qyz aldymen Úrjar aýdandyq aýrýhanasyna jetkizilip, artynan ol tikushaqpen Semeıge ákelindi.

- Zardap shekken kishkentaı qyzdyń jaǵdaıy aýyr edi. Dárigerler qoldan kelgenniń bárin jasady. Alaıda onyń jaraqaty tym aýyr boldy. Ol esine kelmesten kóz jumdy, - dedi óńirdiń densaýlyq saqtaý basqarmasynyń ókilderi.

Zardap shekken Aıerke men Erádil Tursynǵazy aman qaldy. Uzaq ýaqyt em alǵan soń olar úılerine qaıtyp, saýyqtyrý kýrsynan ótip jatyr.

Jol apaty oqıǵasy boıynsha tergeý júrip jatyr.

Oqıǵa saldarynan bir otbasynyń úsh balasy mert boldy. Taǵy bir otbasy eki jastaǵy balasynan aıyryldy. Olardyń barlyǵy bir-birimen týys bolatyn jáne jazǵy demalysta Úrjar aýdanyna ájesi pen apasyna qonaqqa barǵan.