Besterektegi jol apaty: Aýrýhanada jatqan 3 balanyń qazirgi jaǵdaıy qalaı

SEMEI. KAZINFORM — Abaı oblysy Úrjan aýdany Besterek aýylynda kólik qaqqan 3 bala áli aýrýhanada jatyr.

Oblystyq Densaýlyq saqtaý basqarmasy baspasóz qyzmetiniń málimetine súıensek, eki bala Astana qalalyq № 2 balalar aýrýhanasyna jatqyzylǵan.

— 9 jastaǵy qyzǵa barlyq qajetti emdeý-dıagnostıkalyq sharalar júrgizildi. Qazirgi jaǵdaıy qanaǵattanarlyqqa jaqyn. Shaǵymy joq. Erteń aýrýhanadan shyǵarýǵa daıyndalyp jatyr, — delingen aqparatta.

7 jastaǵy uldyń da jaǵdaıy qanaǵattanarlyqqa jaqyn. Ol da 4 qyrkúıekte medıtsınalyq mekemeden shyǵarylady.

— Al 10 jastaǵy qyz «Semeı medıtsınalyq ýnıversıteti» KEAQ-nyń reanımatsııa bólimine gospıtalızatsııalanǵan. Bala jaǵdaıy asa aýyr, komada jatyr. Qajetti emdeý-dıagnostıkalyq sharalar júrgizilip jatyr, — delingen málimette.

Eske salsaq, osyǵan deıin Abaı oblysyndaǵy úsh balanyń ómirin qıǵan jol apatyna qatysty kúdikke ilingen júrgizýshi epılepsııamen esepte turǵanymen, qalaısha júrgizý kýáligi bolǵany tekserilip jatqany habarlanǵan.