Besterektegi jol apaty: ákimdik oqıǵanyń mán-jaıyn aıtty

ASTANA. KAZINFORM –  Belgili bolǵandaı, zardap shekkender eki otbasynyń balalary. Bul týraly Abaı oblysy ákimdiginiń baspasóz qyzmeti habarlady. 

Abaı oblysynyń Úrjar aýdanynda kámeletke tolmaǵan balalarǵa qatysty qaıǵyly jaǵdaı tirkeldi. Jol-kólik oqıǵasy saldarynan 2-7 jas aralyǵyndaǵy úsh bala kóz jumdy. Sondaı-aq 6-9 jas aralyǵyndaǵy taǵy úsh bala jaraqat alyp, qazirgi ýaqytta dárigerlerdiń baqylaýynda qajetti medıtsınalyq kómek alyp jatyr.

— Belgili bolǵandaı, zardap shekkender eki otbasynyń balalary. Qaza bolǵan úsh balanyń ekeýi Jarma aýdanynyń Jańǵyztóbe aýylynan ata-ájelerine qonaqqa kelgen, bireýi Úrjar aýdanynyń turǵyny. Jaraqat alǵan úsh balanyń ekeýi Úrjar aýdanynan, bireýi Jarma aýdanynan ekeni belgili boldy.

Oblys ákimdigi tarapynan qaza bolǵan balalardyń otbasylaryna jerleý rásimin uıymdastyrý úshin barlyq qajetti qoldaý kórsetiledi. Sonymen qatar psıhologııalyq jáne materıaldyq kómek te beriledi, — delingen Abaı oblysy ákimdigi habarlamasynda.

Oqıǵa ornynda oblys ákiminiń orynbasarynyń úılestirýimen arnaıy jumys toby qurylǵan. Jaǵdaı oblys basshylyǵynyń erekshe baqylaýynda. 

Aıta ketelik keshe Abaı oblysyndaǵy jol apatynan keıin Prezıdent tapsyrmasymen áskerı ushaq attanǵan edi. Búgin zardap shekken balalardyń jaǵdaıy týraly jazǵan edik.