BESPAQYR KESENESІ
Bespaqyr kesenesi - sáýlet eskertkishi (HІH ǵasyrdyń sońy). Aqmola oblysynyń Qorǵaljyn aýdanynyń Abaı aýylynan shyǵys-ońtústik-shyǵysqa qaraı 8,5 shaqyrym qashyqtyqta, Qorǵaljyn-Astana tasjolynan Abaı aýylyna burylystan shyǵysqa qaraı 11 shaqyrym jerde, ashyq dalada, eski molanyń qorshalǵan aýmaǵynda, Nura ózeniniń oń jaǵalaýynda ornalasqan.
Alǵashqy ret 1987 jyly «QazJoba qalpyna keltirý» Respýblıkalyq memlekettik kásiporyny ǵylymı-zertteý jáne jobalaý fılıalynyń mamandarymen, keıinnen 2006 jyly «QazJoba qalpyna keltirý» Respýblıkalyq memlekettik kásiporyny ǵylymı-zertteý jáne jobalaý fılıalynyń Jıyntyq bólimimen (jetekshisi G.Qamalova) zerttelgen.
Bespaqyr kesenesi kólemi 30 h 22(23) h 10 sm jáne 50 h 25 h 10 sm shıki óńdelgen kirpishten qalanǵan. Kirý esigi kólemi kúmbeziniń ústińgi bóligi opyrylǵan, kirý arkasynyń jan-jaǵyndaǵy qabyrǵada buzylǵan jerleri bar. Kúmbezdi esigi bar saǵan túrinde oryndalǵan mazardyń ózgeshil túrin sıpattaıdy. Eki bólmeli kompozıtsııa kóldeneń osinde shyǵystan batysqa qaraı sozylǵan. Shaǵyn kólem proportsııalary qasbet qabyrǵalarynyń birqalypty formalarymen erekshelenedi. Shyǵys jaǵyndaǵy alasa eki tirek aralyǵynyń doǵa tárizdi jabyny bar esik dıametri 2,8 m sopaq bólmeniń ishine aparady, al shyǵyńqy kirpishten qalanǵan kúmbezben jabylǵan. Esik osi boıynsha - dıametri 6,5 metr, qabyrǵalarynyń bıiktigi 3 metr saǵan túrindegi negizgi dóńgelek bólimge aparatyn alasa eki tirek aralyǵynyń doǵa tárizdi jabyny bar oıyq.
Derek kózi:
Aqmola oblysynyń tarıhı jáne mádenı murasy. Eskertkishter jıyntyǵy, Almaty - 2008 jyl.
