«Besoba» boıynsha isti bolǵan sheneýnikter raqymshylyqqa ilinýi múmkin - Qaraǵandy
QARAǴANDY. 9 aqpan. QazAqparat - Qaraǵandydaǵy «Besoba» TK-gi úılerdi memlekettik qabyldaýdan ótkizgen sheneýnikter raqymshylyqqa ilinýi múmkin,
óıtkeni olarǵa endi laýazymdy ókilettikterin teris paıdalanýdy júktemeı, aýyr jemqorlyq babyn nemquraılyqqa aýystyrdy, dep habarlaıdy agenttik tilshisi.
Sottalýshy Tatıana Gýktyń qorǵaýshysy Jan Omarovtyń habarlaýynsha, is jańasha qarastyryla bastady.
«Keshe, 8 aqpan kúni meniń qorǵaýymdaǵy T.Gýk pen Sergeı Grebenşıkovtyń isi boıynsha jaryssózder ótti. Memlekettik aıyptaýshy QR QK-niń 307 babynyń 4 bólimin - «Aýyr zardaptarǵa ákelip soqtyrǵan qyzmettik ókilettikterin teris paıdalanýdy» QR QK-niń 316 baby - «Nemquraılyqqa» aýystyrýdy surap, eki sottalýshyǵa da 5 jylǵa bas bostandyǵynan aıyrý jazasyn berýdi, raqymshylyqty esepke ala otyryp, olardy jazadan bosatýdy surady», - dedi qorǵaýshy.
Іs boıynsha úkim 18 aqpanda shyǵarylady dep kútilýde. Budan basqa, aldaǵy dúısenbi, 11 aqpan kúni Qaraǵandy qalasynyń Qazybek bı atyndaǵy sotynda «Besobamen» baılanysty taǵy bir is - Vıktor Ivanov pen Dáýlet Altynbekovtyń isi boıynsha jaryssózder ótedi.
Buryn habarlanǵandaı, buǵan deıin Qaraǵandydaǵy «Besoba» TK-gi úılerdiń salynýyna qatysqan jobalaýshylar men qurylysshylar raqymshylyqqa ilindi. Raqymshylyq zańyn qoldaný týraly sáıkestendirilgen qaýlyny Qaraǵandy oblystyq prokýratýrasynyń arnaıy prokýrorlar basqarmasynyń tergeýshisi qabyldady. Bul qujatqa sáıkes, «Besoba» turǵyn úı keshenin jobalaýǵa jáne salýǵa qatysqan laýazymdy tulǵalar jańadan salynǵan úıdiń qulaýynda, sondaı-aq «Besoba» turǵyn úı keshenindegi barlyq bes úıdiń qurylys normalary men erejeleri buzyla otyryp turǵyzylýynda ózderiniń kinálary bolǵandyǵyn moıyndady. Olar QR QK-niń 245 baby jáne QR QK-niń 245-1 baby boıynsha aıyptaldy.
Esterińizge sala keteıik, 6 sáýirde Qaraǵandydaǵy «Besoba» TK-degi 5 qabatty úıdiń 4-kireberistik blok-sektsııasy opyrylyp qulady. Bul úı úsh jyl buryn úleskerlerdiń qatysýymen salynǵan edi. Buǵan deıin atalmysh turǵyn úıde 1 sáýir kúni negizgi qurylys konstrýktsııalary buzylǵan bolatyn.
Qazirgi kezde zardap shekken úleskerlerge qala bıligi jańa úıler berdi. «Besobadaǵy» basqa barlyq turǵyn úıler apatty dep tanyldy. Búkil keshendi buzyp, onyń ornynda jańa kópqabatty úıler salý jóninde sheshim qabyldandy.
Bul úıdiń qurylysymen aınalysqan «Servıspromsnab» JShS-niń dırektory Andreı Malıanovqa qatysty qarjy polıtsııasy úleskerlerdi aldaý faktisi boıynsha qylmystyq isti tergeýde. Aldanǵan tutynýshylardyń aqshalaryn ózimen birge alyp ketken kompanııanyń basshysyna izdeý jarııalandy.
