Besinshi Halyq quryltaıy jeltoqsanda Bishkekte ótedi
ASTANA. KAZINFORM – Qyrǵyzstanda 2026 jylǵy 18 jeltoqsanda V Halyq quryltaıy ótedi. Bul týraly Kazinform agenttiginiń Bishkektegi tilshisi habarlaıdy.
Qyrǵystan Respýblıkasynyń Prezıdenti Sadyr Japarov tıisti jarlyqqa qol qoıdy.
Aýqymdy is-sharaǵa eldiń barlyq óńirinen 700 delegat iriktelip alynady.
Qujatqa sáıkes, delegattar arasyndaǵy kvotalardyń bólinýi, uıymdastyrý komıtetiniń quramy jáne onyń jumys tártibin retteıtin ýaqytsha ereje bekitildi.
Quryltaıdy ótkizýge baılanysty barlyq tehnıkalyq jumysty, sonyń ishinde delegattardy saılaý úderisin úılestirýdi arnaıy bekitilgen uıymdastyrý komıteti atqarady.
Halyq Quryltaıynyń hatshylyǵy, prezıdenttiń oblystardaǵy resmı ókilderi, jergilikti memlekettik ákimshilikter, jergilikti ózin-ózi basqarý organdary jáne birqatar mınıstrlik saılaýdy uıymdastyrýǵa qatysady.
Quryltaıǵa daıyndyq jáne ony ótkizý kezinde qoǵamdyq tártipti Qyrǵyzstan Іshki ister mınıstrligi qamtamasyz etedi.
Eske sala keteıik, Qyrǵyzstanda 2022 jyldan beri tórt Halyq quryltaıy ótti.
Alǵashqy Halyq quryltaıy 2022 jyldyń 25-26 qarashasynda Bishkek qalasynda ótken bolatyn.
2023 jylǵy 15-16 jeltoqsanda el astanasynda ótken ekinshi Halyq quryltaıynda áleýmettik-ekonomıkalyq máseleler keńinen talqylandy.
2024 jylǵy 20-21 jeltoqsanda Bishkekte ótken úshinshi Halyq quryltaıynda álemdegi ekologııalyq jaǵdaıdyń nasharlaýyna baılanysty jyl saıyn údep kele jatqan sý tapshylyǵy máselesine erekshe nazar aýdaryldy.
2025 jylǵy 25-26 jeltoqsanda ótken tórtinshi Halyq quryltaıynda Qyrǵyzstan prezıdenti Sadyr Japarov eldegi sybaılas jemqorlyq pen uıymdasqan qylmysqa qarsy kúres barysy týraly aıtty. Sondaı-aq klımattyń jahandyq ózgerýine baılanysty sý tapshylyǵynyń kúsheıýi jáne onyń Ystyqkólge áseri de sóz boldy.
Aqzat Jıenalına
