Besinshi altyn: Natalıa Bogdanova álem kýbogynda jeńis tuǵyryna kóterildi

ASTANA. KAZINFORM - Astanada ótip jatqan World Boxing aıasyndaǵy álem kýbogynda Natalıa Bogdanova (70 keli) chempıon atandy.

Fınalda Natalıa aýstralııalyq Lekeısha Pergolıtımen qolǵap túıistirdi.

Birinshi raýnd qazaqstandyq boksshynyń paıdasyna aıaqtalsa, odan keıin de qarsylasynyń basymdyǵy baıqaldy. Sheshýshi raýndta Natalıa soqqyny kóbirek jumsaýǵa tyrysty.

Nátıjesinde qazaqstandyq boksshy qarsylasyn 4:1 esebimen tize búktirip, chempıondyq ataqqa qol jetkizdi.

Natalıa Bogdanova 1999 jyly dúnıege kelgen. 2025 jyly álem chempıonatynda qola júldeger atansa, 2022 jyly Jazǵy Azııa oıyndarynda úzdik úshtikten kórindi.

Bul - el quramasy qorjynyna túsken besinshi altyn medal.

Eske salsaq, budan buryn Nazym Qyzaıbaı (48 keli), Mahmýd Sabyrhan (55 keli), Bekzad Nurdáýletov (85 keli), Vıktorııa Grafeeva (60 keli) chempıondyq ataqqa qol jetkizdi.

Endi fınalda Alýa Balqybekova (51 keli), Sanjar Táshkenbaı (50 keli), Nadejda Rıabets (75 keli), Sabyrjan Aqqalyqov (75 keli), Eldana Tálipova (80 keliden joǵary), Aıbek Oralbaı (90 keliden joǵary) altyn júldeni sarapqa salady.

Al el quramasynan Nurbek Oralbaı (80 keli) kúmis alsa, Ertýǵan Zeınýllınov (65 keli), Aıdana Zabynbekova (57 keli), Aıda Ábikeeva (65 keli), Saǵyndyq Toǵambaı (90 keli) qola júldeni qanaǵat tutty.