Beslan qasireti qurbandaryn eske aldy
ASTANA. QazAqparat - Keshe RF-nyń Beslan qalasynda 2004 jyly 1200 adamdy tutqynǵa alý oqıǵasy bolǵan №1 mektebi sport zalynyń ornyna júzdegen adam qandy oqıǵada qaza tapqandardy eske alý sharasy aıasynda jınaldy, dep jazady reseılik BAQ.
Marqumdardyń týys-týǵandary men qala turǵyndary qurbandardy eske alyp, shyraq jaqty. Olar ózderimen birge sý quıylǵan quty, oıynshyq jáne shyraqtar ala kelgen.
Dál 10 jyl buryn reseıdiń keıingi tarıhyndaǵy eń qasiretti oqıǵa oryn alǵan bolatyn. Beslan qalasynda lańkester bilim kúni merekesin atap ótip jatqan oqýshylar men mektep ustazdaryn tutqynǵa alǵan bolatyn. Sonyń saldarynan 334 adam qaıtys boldy, onyń 186-sy balalar. Qaıǵyly oqıǵany sol kezde Shamıl Basaev esimdi sheshen qarýly toptary kóseminiń bir qolbasshysy moınyna alǵan bolatyn.
