Beskól aýlynda mal soıatyn qosyn ashyldy
PETROPAVL. QazAqparat - «Zagot Inter» JShS ashqaly turǵan mal soıý qosyny - óńirimzde osymen ekinshi oryn. Munda 30-ǵa jýyq adam eńbekpen qamtylmaq. Aımaǵymyz astyqty jáne mal sharýashylyǵyna beıim bolǵandyqtan bol joba óte tıimdi deıdi Parlament Májilisiniń depýtaty Omarhan Ósikbaev.
Omarhan Óksikbaev - QR Parlamenti Májilisiniń depýtaty:
- Shaǵyn jáne orta bıznesti qoldaý - Elbasynyń saıasaty. Bul baqyt óńirde jaqsy qolǵa alynýda. Ol úshin barlyq jaǵdaılar jasalǵan. Ótken jyly el boıynsha shaǵyn jáne orta bıznesti damytýǵa Ulttyq qordan 800 mlrd teńge bólindi.
Budan soń Májilis depýtaty Omarhan Óksikbaev pen «Zagot Inter» seriktestiginiń dırektory Shýmı Isakov jańa nysannyń taspasyn saltanatty túrde qıdy. Qosynnyń ishinde zamanaýı qondyrǵylar ornatylǵan. Etti salqyndatýǵa arnalǵan 8 kamera bar.
- Bul - maldyń bólshektelgen etin salqyndatýǵa arnalǵan tońazytqysh. Kameranyń syıymdylyǵy - 162 tekshe metr. Munda 18 tonnaǵa deıin et syıaady.
Qosynda kórsetiletin qyzmettiń quny - kelisine 35 teńge. Munda jylqydan bastap usaq malǵa deıin soıylady. Nysandy ashý úshin kásipker Shýmı Isakov «Bıznestiń jol kartasy-2020» memlekettik baǵdarlamasyna júginip, 7 paıyzdyq ústemaqymen nesıe rásimdegen.
Shýmı Isakov - «Zagot Inter» JShS dırektory, Qyzyljar aýdany:
- Bul pýnkttiń óndiris qýattylyǵy bir aýysymda 80 bas iri qara, 60 bas jylqy, 120 bas usaq qara mal men 100 bas shoshqany qabyldaýǵa jetedi. Jobanyń quny - 2 mln 400 myń dollar. Aldaǵy ýaqytta biz etti tereńdetip qaıta óńdeý isin qolǵa almaqpyz. ıAǵnı, shujyq, delıkates jasaımyz. Qondyrǵylardyń barlyǵy avtomattandyrylǵan.
Maldy soıý avtomatty túrde júredi. Tórt-túlikti toq berý arqyly janyn shyǵaryp alady. Oǵan salmaǵyna baılanysty toqtyń qýaty ulǵaıtylyp otyrady. Jalpy Úkimet qaýlysy boıynsha elimizdiń ishki naryǵyna shyǵarylatyn et osyndaı arnaıy oryndarda soıylýy tıis, dep habarlady mtrk.kz.
