Besinshi shaqyrylymdaǵy Parlamenttiń sońǵy otyrysy ótýde

Aıta keteıik, konstıtýtsııalyq ókilettikke sáıkes, Senat Májilis ýaqytsha bolmaǵan kezeńde Parlamenttiń jumysyn bir ózi atqarǵan bolatyn. Osy ýaqyttar aralyǵynda daǵdarysqa qarsy keshendi sharalardy júzege asyrýǵa qajetti 57 zań jobasymen tııanaqty jumys júrgizildi. Zań jobalaryn talqylaý barysynda senatorlar 1,5 myńnan astam túzetýler engizip, qabyldanǵan zańdar sapasynyń deńgeıin aıtarlyqtaı joǵarylatqan.

«Parlamenttiń besinshi shaqyrylymy elimizdiń qoǵamdyq ómirinde aıryqsha oryn alatyn oqıǵalarmen tuspa-tus kelgeni de barshamyzǵa belgili. Elbasynyń tikeleı bastamasymen Eýrazııalyq ekonomıkalyq odaq óz jumysyn bastap, elimiz Dúnıejúzilik saýda uıymyna múshe boldy. Qazaqstannyń álemdik ekonomıkaǵa tereń yqpaldasýy jaǵdaıynda ulttyq zańnamany jetildirý boıynsha keshendi jumystar júrgizilýde. «Nurly jol» baǵdarlamasyn iske asyrýǵa qajetti quqyqtyq aktiler qabyldaý Parlamenttiń kún tártibindegi basty taqyrypqa aınaldy. Elbasy usynǵan «100 naqty qadam» Ult josparyn iske asyrýǵa qajetti zańdar qysqa merzim ishinde talqylynap, der kezinde qabyldandy», - dedi jıyn barysynda Senat spıkeri Qasym-Jomart Toqaev.

Spıker senatorlar men apparat qyzmetkerlerine de alǵysyn jetkizdi. Onyń aıtýynsha, Parlament zań shyǵarý isimen qatar basqa da sharalarǵa belsendi aralasqan. «Jalpy Parlamenttiń qyzmetine Elbasy joǵary baǵa bergen bolatyn. Biz memleket damýynyń mańyzdy kezeńine aıqyn maqsatpen senimdi qadam bastyq. Elbasynyń elimizdi keshendi jańǵyrtýǵa baǵyttalǵan reformalaryn odan ári tabysty iske asyrýǵa belsendi túrde qatysýǵa tıispiz», - dedi Q. Toqaev.