Besinshi shaqyrylymdaǵy Májilis óziniń tarıxı mıssııasyn oryndady - N. Ábdirov
Onyń pikirinshe, aldaǵy ýaqytta "100 naqty qadam" Ult Josparyn oryndaý maqsatynda parlamentke jáne máslıxatqa jańa serpilis ákeletin jańa azamattar kelýi tıis.
"Besinshi shaqyrylymdaǵy Májilis óziniń tarıxı mıssııasyn oryndady. Elbasynyń Ult Jospary atty baǵdarlamasynyń zańdylyq turǵydaǵy negizin biz qalap berdik. 1 qańtardan bastap, osy zańdar óz kúshine endi. Endi aldaǵy ýaqytta 2016 jylǵy elektoraldy kompanııaǵa nazar aýdarmaı, az ýaqytta, kelesi eki-úsh aıdyń kóleminde osy jumystyń barlyǵyn bitirip, Parlamenttiń tóńireginde, jergilikti máslıxattardyń tóńireginde tıisti saılaýlardyń barlyǵyn ótkizip, el bolyp, xalyq bolyp jumyla otyryp, Elbasynyń Ult Jospary atty jańǵyrtý baǵdarlamasyn oryndaıtyn bolamyz. Negizgi maqsat-múddemiz osy", - dedi ol.
Kóppartııaly parlament týraly saýal qoıylǵanda, depýtat: "Árıne, kóppartııaly Májilis - ol utymdy. Men tórtinshi jáne besinshi shaqyrylymda depýtat bolǵandyqtan salystyryp aıta alamyn, kóppartııaly Májilis bir qadam alǵa basý dep oılaımyn. Eger Elbasy qoldap, jańa el Májilisi qurylatyn bolsa, oǵan taǵy da birneshe partııalar enýi kerek. Jańa partııalar kire me, álde osy partııalar qala ma - ony sheshetin xalyq", - dep jaýap berdi.
