Besinshi shaqyrylym barysynda senatorlar bıliktiń basqa tarmaǵyna 183 depýtattyq saýal joldady - Senat spıkeri
ASTANA. 28 maýsym. QazAqparat - Besinshi shaqyrylǵan Parlament sessııasy barysynda senatorlar 183 depýtattyq saýal joldady.
Búgin QR Parlamenti Senatynda besinshi shaqyrylǵan Parlamenttiń birinshi sessııasynyń qorytyndysy boıynsha ótken brıfıngte palata spıkeri Qaırat Mámı osylaı málim etti.
«Sessııa barysynda Ata Zań ókilettigi aıasynda Senat depýtattary halyqtyń áleýmettik ahýalyna áser etetin máselelerdi sheshýge belsendi túrde qatysty. Bul maqsat úshin Premer-Mınıstrge, memlekettik organdar men mekemelerdiń basshylaryna 183 depýtattyq saýaldar joldandy. Olardyń basym kópshiligi boıynsha tıisti sheshimder qabyldandy», - dedi Qaırat Mámı. Sodan soń, spıker sessııa kezinde Senattyń erekshe qaarýyna jatatyn máseleler de talqylanǵanyn atap ótti. Máselen, osy ýaqytta Senat Joǵarǵy Sottyń sýdıalaryn saılap, Respýblıkalyq bıýdjettiń atqarylýyn baqylaý jónindegi esep komıtetiniń múshelerin taǵaıyndady.
«Joǵary zań shyǵarýshy organnyń halyqaralyq qyzmeti parlamenttik dıplomatııa bedeliniń arta túskenin de aıǵaqtaıdy. Álemdegi turaqtylyq pen qaýipsizdikti, mádenıet pen dinderdiń jahandyq dıalogyn damytýdy qamtamasyz etý jónindegi Memleket basshysynyń bastamalaryn iske asyrýǵa Senat qomaqty úles qosty», - dedi Qaırat Mámı.
