Besinshi shaqyrylǵan Parlament Májilisi jasaqtaldy - OSK tóraǵasy Qýandyq Turǵanqulov
ASTANA. 18 qańtar. QazAqparat /Aıdar Ospanalıev/ - Búgin Ortalyq saılaý komıssııasynyń tóraǵasy Qýandyq Turǵanqulov kezekten tys saılaýda saılaýshylardyń basym daýystaryn jınaǵan 3 partııa men Qazaqstan halqy Assambleıasynan saılanǵan besinshi shaqyrylǵan Parlament Májilisiniń depýtattaryna omyraýǵa taǵatyn belgilerdi tabys etti jáne depýtattardy jańa qyzmetterine kirisýlerimen quttyqtady.
«Osy sátten bastap, sizder Parlament Májilisiniń tolyqqandy múshesisizder. Al depýtattardyń kýálikterine keletin bolsaq, biz olardy erteń osy Ortalyq saılaý komıssııasynda nemese Parlamentte tabys etemiz», -dedi OSK tóraǵasy.
