Besinshi shaqyrylǵan Parlament 36 zań qabyldady - Q. Mámı
ASTANA. 28 maýsym. QazAqparat - Besinshi shaqyrylǵan Parlament osy sessııa barysynda 36 zań qabyldady. Búgin QR Parlamenti Senatynda besinshi shaqyrylǵan Parlamenttiń birinshi sessııasynyń qorytyndysy boıynsha ótken brıfıngte palata spıkeri Qaırat Mámı osylaı málim etti.
Sóz arasynda spıker keshe Májilistiń sońǵy jalpy otyrysy ótkenin, búgin Senat ta óz jumysyn tamamdaǵanyn aıtyp, erteń Parlamenttiń birlesken otyrysynda sessııa jabylatyndyǵyn jetkizdi.
«2012 jylǵy 20 qańtardan bastap, ıaǵnı besinshi shaqyrylǵan Parlamenttiń birinshi sessııasynan bastap, búginge deıin Parlament 36 zań qabyldady. Qabyldanǵan zańdardyń barlyǵy da strategııalyq damý baǵdarlamalary men qazirgi mindetterdi iske asyrýdy qamtamasyz etip, quqyqtyq negizdi eleýli túrde nyǵaıtty dep oılaımyn. Buǵan besinshi saılanǵan Parlamenttiń birinshi sessııasy óz úlesin barynsha qosty. Olar azamattardyń ál-aýqatyn odan ári nyǵaıtý, adamı kapıtaldy damytý, bilim berý jáne dárigerlik qyzmet kórsetý sapasyn arttyrýǵa baǵyttalǵan zańdar bolyp tabylady», - dedi Qaırat Mámı.
Onyń aıtýynsha, ótken sessııa aıasynda Parlament ındýstrııalyq jańarý, tynys-tirshilikti qamtamasyz etetin ınfraqurylymdy nyǵaıtý, naqty sektordy damytý salasynda Memleket basshysy alǵa qoıǵan mindetterdi júzege asyrýǵa baǵyttalǵan zańdardyń úlken toptamasy qabyldanǵan.
Atap aıtqanda, osy sessııada ındýstrııalyq-ınnovatsııalyq qyzmet, energııany únemdeý, men onyń tıimdiligin arttyrý, gazben qamtamasyz etý, básekege qabiletti kásiporyndardy órkendetý týraly birqatar zańdar qabyldandy. «Sondaı-aq, memlekettiń quqyqtyq strategııasyn iske asyrýǵa baılanysty da birqatar qujattar qabyldandy. Bular tutastaı alǵanda quqyq qorǵaý jáne sot júıesi qyzmetiniń tıimdiligin eleýli túrde arttyrýdy kózdeıdi», - deıdi Senat tóraǵasy.
