Besinshi saılanǵan Parlamenttiń birinshi sessııasy aıaqtalyp, depýtattar kanıkýlǵa ketti
ASTANA. 29 maýsym. QazAqparat - Búgin Parlament palatalarynyń birlesken otyrysynda 5-shi saılanǵan Parlamenttiń birinshi sessııasy óz jumysyn aıaqtap, depýtattar 2 aılyq kanıkýlǵa ketti.
Aǵymdaǵy jyldyń basynda ótken saılaýdyń nátıjesine oraı 2012 jyldyń qańtarynda resmı túrde jumysqa kirisken kóppartııaly Parlament ótken 5 aıdan astam ýaqyt aralyǵynda eldiń damýyna, turaqty ekonomıkalyq ósimdi qamtamasyz etýge, halyqtyń ál-aýqatyn arttyrýǵa serpin beretin asa mańyzdy qujattardy qabyldady.
Atap aıtqanda, sessııa barysynda Parlament qorjynyna 70-ten astam zań jobasy kelip tússe, sonyń 39-yn Májilis maquldap, 36-sy Parlamentpen qabyldandy. Osy qabyldanǵan zańnyń 22-sine el Prezıdenti Nursultan Nazarbaev qol qoıyp, qujattar zańdy kúshine endi.
