Besinshi qabattan qulaǵan 4 jasar bala aman qaldy – Qostanaı oblysy
QOSTANAI. QazAqparat – Qostanaı oblysynda 4 jasar bala besinshi qabattaǵy terezeden qulap ketip, aman qaldy, dep habarlaıdy QazAqparat.
Aqparatty oblystyq tótenshe jaǵdaılar departamentiniń baspasóz qyzmeti rastady. Oqıǵa 20 shilde kúni saǵat 23:00 shamasynda Jitiqara aýdanynda bolǵan.
«4 jasar bala bólmesinde jalǵyz otyrǵan. Bul ýaqytta ata-anasy kórshi bólmede júrgen. Bala terezege shyǵyp, moskıt torynan ustap turady. Kenet tor úzilip ketip, bala tómenge qulap ketken. Qazir bala Jitiqara aýdandyq aýrýhanasynyń jansaqtaý bóliminde jatyr. Onyń jaǵdaıy ortasha aýyr dep baǵalanǵan» delingen TJD habarlamasynda.
