Besinshi qabatqa atpen shyqqan qaraǵandylyq 10 kúnge qamalýy múmkin
QARAǴANDY. QazAqparat – At ústinde otyryp, kópqabatty úıdiń baspaldaǵymen joǵary kóterilgen qaraǵandylyq 10 kúnge túrmege qamalýy múmkin, dep habarlaıdy QazAqparat Rolisia.kz-ke silteme jasap.
«Qaraǵandy oblysy Aqtoǵaı aýdandyq polıtsııa bóliminiń qyzmetkerleri 51 jastaǵy Shashýbaı kentiniń turǵynyn anyqtady. Oǵan qatysty QR Ákimshilik quqyq buzýshylyq týraly kodekstiń 434-babymen hattama toltyrylyp, materıal sheshim qabyldaý úshin sotqa jiberildi.
Er adamǵa quqyq buzýshylyq áreketi úshin 5 AEK (17 250 teńge) mólsherinde aıyppul salynady nemese 10 táýlikke ákimshilik qamaýǵa alynady», - delingen polıtsııa málimetinde.
Vıdeo Tık-tok jelisinde taraǵan. Er adam atpen 5-qabatqa baspaldaqpen shyǵyp, onysyn vıdeoǵa túsirgen.
Kadr tz vıdeo/POLICE_of_KZ
