«Besik jyry» anımatsııalyq fılmi halyqaralyq baıqaýda úzdik atandy

MADRID. QazAqparat - «Besik jyry» qysqametrajdy anımatsııalyq fılmi Madrıdte ótken bedeldi kınofestıvalde «Eń úzdik qysqametrajdy anımatsııalyq fılm» júldesin jeńip aldy, dep habarlaıdy QazAqparat.

«MADFA Madrid Film Awards – 2023» HH halyqaralyq baıqaýǵa 1500 anımatsııalyq jumys usynylǵan. Madrıd kınojúldesi MADFA (MFA) IMDb resmı konkýrsyna kiredi. Festıval jyl saıyn óz alańynda álemniń eń úzdik týyndylary men talantty rejısserlerdiń basyn qosady.

«Qazaqstandyq anımatsııalyq fılmniń bedeldi halyqaralyq baıqaýdyń bas júldesin ıelengeni otandyq anımatsııa salasynyń oń baǵytta damyp kele jatqanynyń kórsetkishi dep sanaýǵa bolady. Mádenıet jáne sport mınıstrligi 2030 jylǵa deıin jalpy prokattaǵy qazaqstandyq fılmderdiń, onyń ishinde anımatsııalyq fılmderdiń úlesin 35% deıin arttyrýdy josparlap otyr. Ol úshin jyl saıyn keminde 10 anımatsııalyq joba jasalatyn bolady. Ótken jyly elimizde alǵash ret «Qazaqanımatsııa» shyǵarmashylyq birlestigi quryldy. Atalǵan uıym otandyq anımatsııa mamandarynyń sheberligin shyńdap, anımatsııalyq jobalardy shyǵarýǵa qoldaý kórsetedi»,- dedi QR Mádenıet jáne sport mınıstri Ashat Oralov.

Aıta keteıik, «Besik jyry» anımatsııalyq fılmi Mádenıet jáne sport mınıstrliginiń qoldaýymen jasalǵan.