«Beshıktash» sapynda Baktıer Zaınýtdınov jaqsy oıynymen kózge tústi

Túrkııa chempıonatynyń 10-týrynda Ystanbulda «Beshıktash» «Gazıantep» komandasyn qabyldady, dep habarlaıdy Kazinform.

«Beshıktash» klýby jańa maýsymda Túrkııa birinshiliginde ǵana emes, Konferentsııa lıgasynda da jankúıerler seniminen shyǵa almaı keledi.

Biraz upaı joǵaltyp, chempıondyqtan úmitker «Fenerbahche», «Galatasaraıdy» uzatyp alǵan «Beshıktashtyń» sheginer jeri joq edi.

Bul joly Qazaqstan ulttyq quramasynyń ortalyq qorǵaýshysy Baktıer Zaınýtdınov birden alańǵa shyqty. Birinshi taımda onyń eki qaýipti soqqysyn «Gazıantep» qaqpashysy Florın Nıtse qaıtara aldy.

B.Zaınýtdınov ekinshi kezeńde de sol qanatta sátti qorǵanýmen qatar shabýylǵa der kezinde qosylyp otyrdy.

Kezdesýdiń 63-mınýtynda «Beshıktashtan» Salıh Ýchan esep ashsa, 75-mınýtta Djenk Tosýn matchtyń núktesin qoıdy – 2:0. Eń sońynda B.Zaınýtdınov oryndaǵan aıyp doby qaqpadan qıys ketti.

Osy oıynnan keıin 19 upaı jınaǵan «Beshıktash» týrnır kestesinde tórtinshi orynǵa kóterildi. Kósh basyndaǵy «Fenerbahcheniń» 30, «Galatasaraıdyń» 28, «Adana Demırspordyń» 20 upaıy bar.

Eske sala keteıik, budan buryn Ramazan Orazovtyń slovenııalyq klýb sapynda alǵashqy golyn soqqanyn jazǵan edik.